Janë dy emra që sipas profilit të tyre qëndrojnë në majat e suksesit; të famshëm, polemizues… Arian Çani, Rezart Veleshnja.
Autoironia shkon deri tek imitimi i njëri-tjetrit. I pari, krejt i hapur sheh veten tek roli i Vanit që bën Veleshnja në “Portokalli”, dhe i dyti, aktori në origjinal sjell Çanin.
Në emisionin “Dikush” në Youtube të “GSH.AL” me Anilda Kaçaçin dhe Daljana Sejdinë, aktori Rezart Veleshnja i ka dhënë një vend speciali gazetarit Arian Çani dhe ka improvizuar një spektakël të vërtetë në studio me disa prej personazheve që ka krijuar.
Gjatë regjistrimit ka patur pauza të shpeshta për shkak të të qeshurave në studio. Ndërsa flet për Çanin, edhe pse mes tyre ndihet një mirëkuptim, ai e ka një koment për faktin që personazhi i tij Çani, i puth të ftuarit…